Հուլիս 2019
ԵրկԵրքՉրքՀնգՈւրբՇբթԿիր
1234567
891011121314
15161718192021
22232425262728
293031



ՆորություններՄեր

Արշավ դեպի Հաղարծին - Գոշավանք - Գոշի լիճ

Արշավ դեպի Հաղարծին - Գոշավանք - Գոշի լիճ 06:01 - 07.06.2011

Հունիսի 5-ին` բնության պահպանության օրը, որոշեցինք արշավել Դիլիջանի ազգային պարկ:

Առաջին կետն էր Հաղարծինի վանքը: Այն գրեթե վերանորոգված վիճակում էր: Շատ անսովոր էր տեսնել մոխրագույն գմբեթ: Հաղարծինից հետո այցելեցինք Գոշավանքը: Նկարվեցինք այնտեղ և բռնեցինք Գոշի լիճ տանող ուղին:

Ճանապրհը ամբողջությամբ անտառի մեջ էր: Սկզբից եղանակը լավն էր, այնուհետև ուժեղ անձրև սկսվեց: Ոմանք հագան տաք շորեր և անձրևանոցներ բացեցին, ոմանք էլ, համարելով, որ «արդեն ուշացել են», շարունակեցին թրջվել: Պախկվում էինք մեծ ծառերի տակ, երբ անձրևը շատ էր ուժեղանում:

Մեր խմբում կար նաև 5 տարեկան երեխա, որն իսկական տղամարդու պես անցավ մեր հետ ամբողջ ուղին: Անձրևը հետապնդեց մեզ մինչև Գոշի լիճ: Երբ տեղ հասանք, անմիջապես արև դուրս եկավ:

Նստեցինք, հաց կերանք ու հանգստացանք: Այնուհետև անցանք կիթառի ու վոլեյբոլի: Շատ լավ ժամանց էինք անցկացնում, ոմանք լողացան Գոշի լճում:

Խաղի ժամանակ, թմից մեկը ընկավ և ցավացրեց ոտքը: Մտածեցինք, թե լուրջ բան չկա, սակայն տեսանք, որ շատ է ցավում և քայլել չի կարում: Խմբում բժիշկներ կային, և կային բոլոր անհրաժեշտ պարագաները` առաջին բուժօգնություն ցույց տալու համար: Պարկացրեցինք և կապ դրեցինք. քիչ անց սկսեցինք իջնել:

Տուժածին սկզբից հերթով էինք իջեցնում` շալակած կամ թևի տակից գրկելով, այնուհետև պառկացրեցինք թիկնոց-վրանի վրա ու, բոլոր կողմերից բռնելով, հասցրեցինք մեքենաների մոտ:

Երբ հասանք քաղաք, շատ ուժեղ անձրև սկսվեց, որից հետո ծիածան դուրս եկավ: Տուն գնալու ճանապարհին մի հրաշք տեսարան բացվեց Արագածի վրա:


Share |
Վերադառնալ
Հայերեն
Հայերեն
Русский
Русский
English
English
Որոնում
Туры в Армению
FindArmenia.ru
Հայաստանի լուսանկարներ
Տուրիզմ և երթուղիներ
Հայաստանում
Տեսարժան վայրերը
Երգեր
Հայկական երգերի խոսքեր, ակորդներ ու mp3-ներ
Տարադրամի փոխարժեքները ՀՀ դրամի նկատմամբ
Կոնտակտները | Երթուղիներ