«Հայոց լեռների գանձերը» նախագիծ

Մենք՝ Բաղդասարյան եղբայրներս, 2005թ.-ին նախաձեռնեցինք «Հայոց լեռների գանձերը» նախագիծը:

Նախագծի նպատակն է ուսումնասիրել Հայաստանի պատմամշակութային և հոգևոր արժեքները, ճարտարապետական հուշարձանները, բնության գեղատեսիլ վայրերը և ներկայացնել այդ ամենը ինչպես Հայաստանում, այնպես էլ արտասահմանում:

2007թ.-ին լույս է տեսել «Հայոց լեռների գանձերը» համակարգչային հանրագիտարանը` հայերեն, անգլերեն և ռուսերեն լեզուներով: Ներկայացվել են Հայաստանի (ՀՀ, ԼՂՀ) 130 տեսարժան վայր, 3000 լուսանկար և մանրամասն ինտերակտիվ քարտեզ:

Նախագծի շրջանակներում կազմակերպվում են հետազոտական արշավներ ու մշակվում տուրիստական նոր երթուղիներ: Ինչպես նաև անցկացվում են Հայաստանին նվիրված թեմաներով լուսանկարների ցուցահանդեսներ և Հայաստանը ճանաչելուն ուղղված այլ միջոցառումներ:

Նախագծի ծնման պահից սկսեց գործել www.FindArmenia.com կայքը, որը ստեղծվել է Հայաստանը (ՀՀ, ԼՂՀ) ներկայացնելու համար և այժմ մեր գործունեության հիմնական ուղղություններից է: