32 ժամ Էվերեստի գագաթին

05:48 - 07.06.2011

Նեպալի գուրու Բխակտա Կումար Ռայը տևողության նոր ռեկորդ է սահմանել` մնալով Էվերեստի գագաթին 32 ժամ: Ընդհանուր 32 ժամից 27-ը նա զբաղվել է մեդիտացիայով: Նրա հետևորդների կարծիքով 30-ամյա Ռայի այդ արարքը իսկական հրաշք է:

«Երկնային ճանապարհ» աղանդի հիմնադիր Բխակտա Կումար Ռայը, որը ինքն իրեն կոչում է գերագույն ուսուցիչ, Աստվածահրեշտակ, հասավ 8848 մետրին, ուրբաթ, մայիսի 20-ին:

Ըստ նրա հետևորդների` իրենց ուսուցիչը թթվածին է օգտագործել միայն 11 ժամվա ընթացքում: Մյուս օրը, երեկոյան նա ավարտել է մեդիտացիան և ևս մի քանի ժամ է անց կացրել լեռան գագաթին: Թե ինչպես է իրեն զգում գուրուն հիմա չի նշվում:

Նախորդ ռեկորդը գրանցել էր նեպալյան ալպինիստ, բարձրադիր գոտիների ուղեկցորդ` Բաբու Չխիրին: 1999թ. Նա լեռան գագաթին եր մնացել 21 ժամ 30 րոպե:

Share |