Գեղամա լեռներում, Արագածի և Ուղտասարի լանջերին հայտնաբերվել են բազմաթիվ ժայռապատկերներ, որոնցից հնագույնները ստեղծվել են 9000 տարի առաջ:
Դրանց բնորոշ են տվյալ վայրում ապրած կենդանիների, երբեմն՝ մարդկանց պատկերներ. որսի, ռազմի, ձկնորսության, ծիսական և այլ բնույթի տեսարաններ: Ոմանք արտահայտում են հնագույն ժրջանի պաշտամունքին վերաբերվող խորհրդանիշներ:
Ժայռապատկերները հարուստ նյութ են տալիս Հայաստանի հնագույն բնակիչների կենցաղը, սովորություններն ու արվեստը ուսումնասիրելու համար և կարևոր նշանակություն ունեն, որպես պատմական սկզբնաղբյուրներ:
Գեղամա լեռներում ժայռապատկերները արված են կապույտ գույնի քարերի վրա: Քարերը կապույտով են ներկվել կայծակի հետևանքով, և մակերևույթի գույնը խիստ տարբերվում է քարի ներսի գույնից: Այդ պատճառով ժայռապատկերներն այնտեղ հստակ երևում են, հատկապես արևի շողի նկատմամբ ճիշտ անկյան տակ նայելիս:
Ընդունված է նաև «պետրոգլիֆ» անվանումը, հունարեն՝ πέτρος – քար և γλυφή – դուրս կտրել բառերից:
Հայաստանի լուսանկարներ
Տուրիզմ և երթուղիներ
Երգեր
