Ոսկեպար գյուղի եկեղեցիներ

Ոսկեպար գյուղը գտնվում է Տավուշի մարզում, Ոսկեպար գետի աջ ափին, Նոյեմբերյանից 8կմ հարավ-արևելք: Գյուղի շրջակայքում պահպանվել են ամրոցների ավերակներ (X-XIդդ.), գյուղատեղիներ, գերեզմանոց, կամուրջ:

Գյուղի տարածքում գտնվում է Ս.Աստվածածին եկեղեցին։ Ճարտարապետական վերլուծությունից ելնելով՝ այն թվագրվում է VI-VIIդդ. և դասվում Մաստարայատիպ եկեղեցիների շարքին։ Ներսի պատերը հավանաբար սվաղված են եղել և ծածկված որմնանկարներով։ Տաճարի ամբողջականությունը, նրա համաչափությունների կատարյալ ներդաշնակությունը վկայում են կառուցողի մեծ վարպետության մասին:

1975-1977թթ-ին Ոսկեպարի Ս.Աստվածածին եկեղեցին վերանորոգվել է։